Среде борбата за кандидат на ЦДУ/ЦСУ за иден канцелар на Германија, истражувањето на јавното мислење покажува дека Маркус Зедер е моментално најпопуларен.
Зедер е шеф на ЦСУ и премиер на Баварија
Многу политичари ширум Европа и се восхитуваат на популарноста на Ангела Меркел, но сега таа е претекната од Зедер, кој се бори со шефот на ЦДУ, Армин Лашет, за функцијата кандидат за иден канцелар на Унијата.
ЦДУ го сака Лашет за кандидат за ЦДУ / ЦСУ, но Зедер не попушта и конечната одлука може да падне до крајот на неделава.
Истражувањето на ИНСА покажува дека Зедер е моментално најпопуларниот политичар. Патем, ова не е прв пат Зедер да ја надмине Меркел по популарност.
Претходно ја помина минатото лето.
Лашет, пак, е само на 12-то место според популарноста на водечките политичари во земјата. Од последното истражување, тој падна за дури девет места. Пред него е дури и неговиот противник во трката за шеф на ЦДУ, Фридрих Мерц.
