logo
logo
logo

Кина за потеклото на коронавирусот: САД не смеат да го насочуваат прстот кон другите

Vecer | 14.02.2021

Кина за потеклото на коронавирусот: САД не смеат да го насочуваат прстот кон другите


Откако Белата куќа ја повика Кина да покаже податоци од првите денови на епидемијата на Ковид-19, кинеската амбасада во Вашингтон одговори дека САД не треба да „покажуваат со прст“ кон Кина и другите земји што ја поддржуваа Светската здравствена организација за време на пандемијата.

„ САД ја оштетија мултилатералната соработка и Светската здравствена организација во последните неколку години и не треба да покажуваат со прст кон Кина и другите земји кои ја поддржаа СЗО за време на пандемијата на Ковида-19“, соопшти вчера кинеската амбасада.

Портпаролот на амбасадата, одговарајќи на изјавата на американскиот советник за национална безбедност Џејк Саливан, рече дека Кина ја поздравува одлуката на Вашингтон повторно да се приклучи на СЗО, но треба да се држи до „највисоките стандарди“ наместо да цели кон другите земји.

Белата куќа вчера ја повика Кина да ги стави на располагање податоците од првите денови на епидемијата на Ковид-19 и наведе дека е „длабоко загрижена“ за начинот на кој биле презентирани првите наоди на Светската здравствена организација за потеклото на коронавирусот.

Советникот за национална безбедност на Белата куќа, Саливан, рече дека императив е извештајот да биде независен и без „измени од страна на кинеската влада“ и ги повтори загриженоста на администрацијата на поранешниот претседател Доналд Трамп, кои се спротивставија на СЗО за истото прашање.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk