logo
logo
logo

Хакиран профилот на австралискиот премиер преку „WeChat“

Vecer | 24.01.2022

Хакиран профилот на австралискиот премиер преку „WeChat“

Австралија ја обвини социјалната мрежа WeChat дека го презела профилот на премиерот Скот Морисон и ги насочила неговите следбеници на страницата за кинеските државјани во Австралија.

Ова денеска го потврди претседателот на Мешовитиот одбор за разузнавачки и безбедносни прашања на австралискиот парламент, Џејмс Патерсон.

Тој кажа дека профилот на Морисон е „преземен и ребрендиран“, пишува Си-Ен-Ен.

– Неговиот профил е хакиран – потврди тој.

Патерсон додаде дека налогот на премиерот сега ги пренасочува неговите следбеници на налогот „Австралиски кинески нов живот“.

WeChat е една од најкористените апликации за пораки во Кина, која во 2020 година броеше околу 1,2 милијарди корисници месечно.

Огромното мнозинство од нив се наоѓаат во Кина, но, исто така, мрежата е популарна и меѓу кинеската дијаспора.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk