Како што рече тој во гостувањето во телевизиско шоу, Чеченија „го надмина планот за 254 проценти“.
„Тој план во Чеченската Република беше надминат за 254 отсто. Вакви показатели беа постигнати порано со формирањето на нови единици на Министерството за одбрана на Руската Федерација. Сите кандидати за служба поминаа преку Воениот комесаријат. Ние го разработивме тој механизам од самиот почеток, уште пред најавата за делумна мобилизација“, рече Кадиров.
Тој рече дека досега 20.000 Чеченци војувале во Украина и дека Чеченија повеќе од доволно ги исполнила сите планови. „Покрај тоа, Чеченија има резерва од илјадници доброволци кои, доколку е потребно, ќе можат да влезат во редовите на бранителите на татковината“, рече тој.
Во Грозни, главниот град на Чеченија, пред два дена се одржал мал протест против мобилизацијата. Кадиров им се закани на сите кои протестираат. Но, тој додаде дека чеченските мајки и сопруги можат да останат смирени, мислејќи дека нема да има мобилизација на членовите на нивните семејства.
„Затоа, го повикувам населението на Чеченската Република, особено нашите сакани и почитувани мајки, да останат смирени“, рече тој.