Јапонија подарува куќи бидејќи нема кој да живее во нив

Јапонија се соочува со необичен проблем: има повеќе куќи од жители кои би живееле во нив.

Според податоците, во 2013 година во Јапонија имало 61 милион домови и 52 милиони домаќинства, а ситуацијата се повеќе се влошува. Бројот на населението во Јапонија се очекува да опадне од 127 милиони на околу 88 милиони до 2065 година велат од Националниот институт за население.

Тие исто така предвидуваат дека до 2040 година многу мали градови и села низ целата земја ќе исчезнат поради тоа што се повеќе млади ги напуштаа за да работат во големите градови. Подарувањето домови во овие области е последниот обид за нивно спасување, додаваат тие.

Овие напуштени домови се познати и како „акија“, а денес постојат и „акија банки“ кои ги поврзуваат можните купувачи со стари сопственици на домови или празни имоти. Еден од градови кој до 2040 се очекува да остане празен е и Окутама, кој го потпомага реновирањето на домовите за оние што ќе се вселат во нив.

Сепак, постојат и одредени услови за добивање на ваквата парична помош од околу осум илјади долари за секои 100 метри квадратни, односно новите сопственици мора да бидат помлади од 40 години, или да бидат пар со барем едно дете под 18-годишна возраст и барем еден партнер на возраст под 50 години.

извор: Makfax

Поврзани

Најнови вести

Коментари