Глад го опустошува јужниот дел на Мадагаскар, каде што децата немаат што да јадат, по сушата и песочните бури кои ги уништија посевите, објави денеска Светската програма за храна.
Еден од директорите на WFP за глобални операции, Амер Дауди, рече дека посетил села каде луѓето биле принудени да јадат скакулци и лисја.
„Бев сведок на ужасни слики на гладни, неухранети деца, и не само деца, туку и мајки, родители и жители на селата во кои бевме“, рече Дауди за време на брифингот во Женева, објави
Тој додаде дека жителите на тој дел од Мадагаскар се на „работ на глад“.
„Одамна не сум видел такви слики низ целиот свет“, додаде Дауди.
Неисхранетоста скоро двојно се зголеми на 16 проценти од девет проценти во март 2020 година, по петтата последователна година на суша, интензивирана оваа година од песочни бури и доцни дождови, вели директорот.
Светската програма за храна бара 75 милиони долари за итно покривање на најосновните потреби на населението во изминатите неколку месеци.
