logo
logo
logo

Израелските опозициски лидери на чекор дo формирање влада и рушење на Нетанјаху

Vecer | 02.06.2021

Израелските опозициски лидери на чекор дo формирање влада и рушење на Нетанјаху


Израелскиот опозициски лидер Јаир Лапид со неколку партии, вклучувајќи ја и партијата предводена од министерот за одбрана Бени Ганц, ги договори условите за формирање нова влада, изјави денеска неговиот портпарол.

Лапид има рок до полноќ да објави дека постигнал договор, објави „Ројтерс“.

Тој сè уште треба да постигне договор со неговиот главен партнер Нафтали Бенет, кој треба да биде првиот премиер во рамките на предложената ротација на двајцата политичари. Тоа ќе значи крај на ерата на Бенјамин Нетанјаху.

Партијата на Лапид, Јеш Атид и Сината и белата на Ганц, во заедничкото соопштение наведоа дека се договориле за контурите на владата и основните прашања во врска со зајакнувањето на демократијата и израелското општество.

Ганц ќе остане министер за одбрана во новата влада, изјавија партиите.

Договор беше постигнат и со левичарската партија Мерец и израелската Лабуристичка партија, како и со партијата на поранешниот министер за одбрана Авигдор Либерман, рече портпаролот на Лапид.

Обединетата арапска листа исто така преговараше за влез во коалицијата. Ако тоа се случи, тоа ќе биде првпат во историјата на Израел независна арапска партија да стане член на владата.

Доколку Лапид го пропушти крајниот рок за формирање коалиција, парламентот ќе има рок од три недели да се договори за нов кандидат.

Доколку и тоа не успее, Израел очекува нови избори, петти во последните две години.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk