logo
logo
logo

Италијанска обвинителка: Берлускони е сериозно болен

Vecer | 19.05.2021

Италијанска обвинителка: Берлускони е сериозно болен


Поранешниот италијански премиер Силвио Берлускони е сериозно болен и неговото судење под обвинение за мито на сведоци треба да биде прекинато, изјави обвинителката во Милано.

84-годишниот Берлускони, откако беше заразен со Ковид-19 минатиот септември, беше примен и отпуштен од болница, а во последните денови неговата состојба наводно се влоши.

„Дефинитивно веруваме дека Берлускони е сериозно болен и страда од сериозно заболување. Тоа го покажуваат медицинските потврди и консултанти“, рече обвинителката Тицијана Сицилијано.

Говорејќи на рочиштето за случајот поврзан со оној во кој Берлускони беше ослободен од обвинение за сексуален однос со малолетничка по име Руби, Сицилијано рече дека Берлускони треба привремено да биде изземен од судењето.

Судијата ќе одлучи дали ќе ја оддели позицијата на Берлускони од другите обвинети на 26 мај, кога има ново рочиште.

Четирикратниот премиер е обвинет за поткуп на сведоци за да молчат во случајот на малолетна проституција, што започна во 2013 година. Тој секогаш ја негираше вината.

Медиумскиот тајкун ја напушти болницата Сан Рафаеле во Милано во саботата по петдневен престој. Тој беше хоспитализиран во март и двапати во април. Тој исто така беше во болница во јануари поради проблеми со срцето.

„За него се грижат дома. Секако дека сме загрижени”, изјави за новинарите адвокатот на Берлускони, Федерико Чекони.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk