logo
logo
logo

Истражување: Согорувањето на фосилни горива предизвика 8,7 милиони смртни случаи во 2018 година

Vecer | 10.02.2021

Истражување: Согорувањето на фосилни горива предизвика 8,7 милиони смртни случаи во 2018 година


Загадувањето на воздухот предизвикано од согорување на фосилни горива е одговорно за 8,7 милиони смртни случаи во 2018 година, што претставува дека секој петти бил смртен случај, според новата студија во соработка со Харвард и универзитетите во Бирмингем, Лестер и Лондон. Бројките се дури толку високи што го надминуваат вкупниот број на смртни случаи поради пушење цигари и маларијата, пишува „Гардијан“.

Земјите со најголема потрошувачка на фосилни горива се најлошо погодени од оваа чума. Така, тоа е причина за секоја трета смрт во Источна Азија, и на секоја десетта во САД и Европа. Стапките во Јужна Америка и Африка се значително пониски.

„ На почетокот, дури и се двоумевме да ги објавиме резултатите, бидејќи бројките беа неверојатни. Тоа е како лавина. Колку повеќе копаме, толку повеќе откриваме“, вели Елоиз Мареј, географ од Универзитетскиот колеџ во Лондон и коавтор на студијата.

Научниците открија врската помеѓу загадувањето на воздухот и причините за срцеви заболувања, респираторни проблеми, па дури и губење на видот. Без емисии на согорување на јаглеводороди, просечниот животен век на светската популација би се зголемил за повеќе од една година, додека економските и здравствените трошоци би опаднале за приближно 2,9 трилиони долари, се вели во студијата.

„ Воздухот во Кина се подобрува, но сепак е крајно неповолен. САД се подобруваат и покрај тоа што има жаришта на северо-исток. Ситуацијата во Европа зависи од област до област, а Индија дефинитивно е во голема неволја”, велат експертите за загадување.

Според нив, стапката на смртност што произлегува од истражувањето е можеби пониска од реалната состојба.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk