Портпаролот на Летисија Џејмс, јавната обвинителка на државата Њујорк, рече дека истрагата за компанијата за недвижнини на Трамп „веќе не е чисто граѓанска”
Канцеларијата на јавниот обвинител во Њујорк соопшти дека ја истражува Организацијата Трамп „во криминално својство”.
Портпаролот на Летисија Џејмс, јавната обвинителка на државата Њујорк, рече дека истрагата за компанијата за недвижнини на Трамп „веќе не е чисто граѓанска”
Џејмс внимателно ги разгледуваше финансиските зделки на поранешниот републикански претседател пред да ја преземе функцијата.
Трамп негира дека направил лошо дело и рече дека истрагата на демократската обвинителка е политичка одмазда.
Портпаролот на Џејмс, Фабиен Леви за Би-Би-Си изјави дека ја информирале Организацијата Трамп дека истрагата за Организацијата „веќе не е чисто граѓанска по природа”.
– Сега активно ја истражуваме Организацијата Трамп во криминално својство, заедно со јавниот обвинител на Менхетн. Немаме дополнителен коментар, рече леви.
Во соопштението не се наведува што ја претворило истрагата од граѓанска во криминална, и дали и поранешниот претседател е лично вмешан во какви било обвинувања.
Џејмс почна граѓанска истрага во март 2019 година во врска со тврдењата дека Трамп вештачки ја зголемил вредноста на неговите имоти пред банките кога барал заеми, а ги намалил за да ги намали даноците.
Нејзината канцеларија исто така бара документи за четири имоти на Организацијата Трамп во Менхетен, северниот дел на Њујорк, Чикаго и Лос Анџелес.
