logo
logo
logo

Иран почна проби со напредни центрифуги ИР -9 за збогатување ураниум

Vecer | 07.04.2021

Иран почна проби со напредни центрифуги ИР -9 за збогатување ураниум


Иранските специјалисти започнаа проби со напредните центрифуги ИР-9 за збогатување ураниум, објави денеска портпаролот на Иранската организација за атомска енергија, Бехруз Камалванди, пренесува ИСНА.

„Еден од напредоците направени во областа на збогатувањето на ураниум е почнување механички проби со центрифугите ИР-9 со производна можност од 50 SWU“, рече тој за ИСНА.

Камалванди додаде дека оваа опрема е целосно домашно произведена, развиена и функционира во согласност со новите стандарди.

Иран работи на развој на нови и надградба на постојните центрифуги за збогатување ураниум. Како одговор на повлекувањето на САД од нуклеарниот договор, Иран почна да користи напредни центрифуги на своите нуклеарни локации.

На 1 април, Иран почна со збогатување ураниум во подземниот објект „Натанц“ преку четвртата каскада од центрифугите од класа ИР-2м. Во моментов, Иран збогатува ураниум преку центрифугите ИР-1, ИР-2м и ИР-4. Според нуклеарниот договор,  на Иран му е дозволено да користи само центрифуги ИР-1.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk