logo
logo
logo

Или вакцина или затвор, претседателот на Филипини им се закани на граѓаните

Vecer | 22.06.2021

Или вакцина или затвор, претседателот на Филипини им се закани на граѓаните


Филипинскиот претседател Родриго Дутерте се закани дека ќе ги затвори граѓаните кои одбиваат да примаат вакцина против коронавирус.

„Вие одлучувате – или ќе ја примите вакцината или ќе одите во затвор“, рече Дутерте во телевизиско обраќање, по извештаите за слабиот одговор на вакцинацијата на повеќе локации во главниот град на Манила.

Неговата изјава е во спротивност со претходните пораки на здравствените власти дека вакцинацијата е доброволна, иако е охрабрена, пишуваат светските агенции.

„Не ме сфаќајте погрешно, има криза во земјата. Јас сум огорчен од Филипинците кои нема да ја послушаат владата“, објасни Дутерте.

Заклучно со 20 јуни, 2,1 милиони луѓе се целосно вакцинирани на Филипините, што е многу мал напредок со оглед на тоа што целта на владата е да имунизира до 70 милиони луѓе до крајот на годината.

Во земја со 110 милиони жители досега се потврдени над 1,3 милиони случаи на заразени со коронавирус, а повеќе од 23.000 лица починаа.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk