Американските власти соопштија дека едно лице пукало во неколку лица вчера на клиника во Бафало, во американската држава Минесота.

Пукањето се случи вчера на клиниката Алина, која се наоѓа на околу 64 километри северозападно од Минеаполис, изјави за АП полицијата од Бафало.

Половина час по пукањето, според локалните медиуми, експлодирала бомба во клиниката, но полицијата сè уште не го потврдила ова.

Локалните медиуми јавуваат дека еден човек бил уапсен.

Според првите извештаи, најмалку 9 лица биле повредени, пренесува „Fox“, повикувајќи се на изјавите на локалните власти.

Сè уште не е познато колку луѓе имало во делот на клиниката каде се случил нападот, ниту мотивот за ова злосторство.

Новинар на „CBS News“ известува дека целата област околу клиниката е блокирана и дека има основно училиште во непосредна близина на болницата.

Снимките од воздухот покажаа скршено стакло на влезот на клиниката, а многу од луѓето кои беа во близина потврдија дека се слушнала детонација.