logo
logo
logo

Главниот опозициски кандидат во Конго почина од корона по затворањето на избирачките места

Vecer | 22.03.2021

Главниот опозициски кандидат во Конго почина од корона по затворањето на избирачките места

Главниот ривал на актуелниот претседател на претседателските избори во Конго, опозицискиот претставник Гај-Брис Парфејт Колелас, починал од Ковид-19 додека бил пренесуван кон Франција за лекување, само неколку часа по затворањето на избирачките места.

„Тој почина во медицински авион што го зеде од Бразавил во неделата попладне“, изјавил шефот на неговиот штаб за агенцијата „Франс прес“.

Тој додал дека гласовите ќе продолжат да се бројат и дека Колелас го имал водството во некои изборни единици.

Гај-Брис Парфејт Колелас добил позитивен тест за коронавирус во петокот попладне и не бил во можност да присуствува на последниот предизборен митинг во Бразавил.

За време на викендот, тој објави видео во кое рече дека се бори за живот.

„Јас се борам за својот живот, но без оглед на тоа, ве молам да станете. Одете, гласајте за промена. Не се боревме залудно”, рече во таа порака видно ослабениот Колелас.

Тој заврши на второто место на последните избори пред пет години.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk