Германските пратеници го одобрија предлогот на Владата на канцеларката Ангела Меркел за воведување унифицирани ограничувања во областите каде коронавирусот се шири пребрзо.

Преку законите што доследно се применуваат како кочница за итни случаи во областите со голема стапка на новозаразени со коронавирус се има за цел да се воведат низа мерки како одговор на пандемијата со Ковид-19 во 16 германски сојузни држави, пренесува АП.

Долниот дом на парламентот денеска гласаше за планот со 342 гласа „за“ и 250 „против“, додека 64 беа воздржани. Горниот дом, во кој се претставени државните влади, треба да ги разгледа законите во четврток.

Предлогот содржи планови за воведување полициски час од 22 часот до 5 часот наутро, ограничување на личните контакти, затворање на објекти за забава и спорт како и затворање и ограничување на пристапот до многу продавници.

makfax.com.mk