Американскиот милијардер Бил Гејтс бара поодговорен однос на развиените земји кон животната средина, а како еден од првите чекори е исхрана со вештачко говедско месо
Тој во својата книга „Како да се избегне климатска катастрофа“ ја промовира важноста за зачувување на планетата и запирање на климатските промени, на што негативно влијаат производството на храна, поточно месо, како и фосилни горива, нафтени компании итн ...
Некои фарми веќе произведуваат 3Д „печатено“ месо, направено од животински клетки, за да се избегне колење. Исто така, во рестораните започна и сервирањето вештачко месо, како пилешко од лабораторија.
Гејтс наведува дека „богатите земји треба да преминат на 100% вештачко говедско месо“, со цел да се реши проблемот со ефектот на стаклена градина.
Според него покрај поддршката на технологијата, ќе биде потребна и помошта на светските влади, со цел да се избегнат климатски катастрофи.
- Не мислам дека 80-те најсиромашни земји ќе јадат синтетичко говедско месо. Но, мислам дека сите развиени земји треба да преминат на такво месо - истакна американскиот бизнисмен.
Според истражувањето, штетните емисии достигнале рекордно ниво, а за голем дел, се наведува, придонесува размножувањето на кравите. Количината на метан во атмосферата се зголеми масовно помеѓу 2000 и 2017 година, што доведе до зголемување на глобалното затоплување на четири степени Целзиусови.
Научниците предупредуваат дека ова е опасен праг за „преминување“, што доведува до зголемен ризик од природни катастрофи, поради нарушувања во животната средина, што би предизвикало масовно гладување и миграција.
Дополнителен проблем во врска со вештачкото месо е тоа што, посочуваат експертите, техниката за производство на синтетичко говедско месо не е економична. Компаниите кои се занимаваат со овој алтернативен пристап учествуваат со помалку од 1% во месната индустрија.
