Тоа е најголемото принудно преземање територии во Европа од Втората светска војна, пишува Гардијан.
Церемонијата на потпишување се одржа во палатата во Кремљ, а на неа присуствуваше политичката елита во земјата. Да потсетиме дека рускиот претседател Владимир Путин прогласи анексија на четири региони во Украина - Доњецк, Луганск, Херсон и Запорожје.
Путин одржа еден од своите најизбезумени говори во кој, меѓу другото, рече дека Западот ги крши човековите права, дека уништувањето на западната хегемонија е неповратен процес и дека светот никогаш повеќе нема да биде ист. По 40-минутниот говор, тој ја потпиша анексијата.
