logo
logo
logo

Франција до јуни ќе донира 500.000 вакцини за сиромашните земји

Vecer | 10.03.2021

Франција до јуни ќе донира 500.000 вакцини за сиромашните земји


Елисејската палата потврди дека до јуни Франција ќе донира 500.000 дози вакцина против Ковид-19 за сиромашните земји, како дел од иницијативата на претседателот Емануел Макрон, кој ги повика лидерите на најбогатите земји од Г7 да им дадат меѓу три и пет проценти од нивните вакцини на посиромашните земји.

„Важно е за претседателот да го воспостави овој механизам што е можно поскоро, бидејќи има потреба од брзина, а Франција ќе го стори тоа со давање на 500.000 дози до јуни, и ние ќе ве информираме како се дистрибуираат тие вакцини“, изјави висок официјален претставник за бриселски „Политико“.

„Политико“ известува дека бројот на дози што Франција планира да ги донира е помал дел од вкупното количество што земјата треба да го добие и дека досега се добиени повеќе од 7 милиони вакцини, додека се очекува дека неделните испораки ќе се зголемат значително од април.

Фармацевтските и биотехнолошките компании во земјата сè уште немаат произведено свои вакцини, а Франција, како и повеќето земји членки на ЕУ, во моментов се соочува со проблем на доцнење во испораката од производствените капацитети во Европа и САД, но Макрон е главен поборник за глобална солидарност кога станува збор за пристап до вакцини против Ковид-19, наведува „Политико“.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk