logo
logo
logo

Финската влада првпат предложи целосен карантин во неколку градови

Vecer | 24.03.2021

Финската влада првпат предложи целосен карантин во неколку градови

Владата на Финска денес предложи затворање на пет градови, вклучувајќи го и главниот град Хелсинки, за да се спречи зголемувањето на бројот на заболени со коронавирус.

Првото затворање на Финците во нивните домови е предмет на гласање во парламентот и проценка на комисијата за уставно право.

Владата ги затвори рестораните и средните училишта низ целата земја на почетокот на овој месец.

Нордиската нација со 5,5 милиони жители забележа вкупно 73.516 заболени и 811 смртни случаи. Таа е една од најмалку погодените земји во Европа.

„Ова се градовите со најтешка епидемиолошка состојба, но списокот може да се ажурира доколку се промени ситуацијата“, изјави за „Ројтерс“ Паиви Антикоски, шеф за комуникации во кабинетот на премиерот.

Жителите на овие градови ќе можат да ги напуштат своите домови само од итни причини, како што се набавка на храна или патување во друг дом. Непочитувањето на мерките ќе се казни со парична казна.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk