Рускиот телекомуникациски регулатор Роскомнадзор вчера вечер испратил барање до Мета, калифорниска компанија и сопственик на Фејсбук, „веднаш да ги отстрани ограничувањата на официјалниот профил“ на руската делегација во Виена, која води разговори за контрола на вооружувањето.
„Блокирањето сметки е чин на цензура што го нарушува слободниот проток на информации“, предупреди Роскомнадзор.
Споменатата страница на Фејсбук била блокирана во петокот, со образложение дека објавува „нелегална содржина“, изјавил шефот на руската делегација во Виена, Константин Гаврилов. Сајтот сè уште е недостапен.
Гаврилов објаснува дека делегацијата ја користи страницата за објавување официјални изјави од руски претставници.
Страницата на таа делегација била блокирана и од Твитер во февруари 2021 година.
