logo
logo
logo

Европската Унија нема да купува дополнителни 100 милиони дози од „Астра зенека“

Vecer | 22.04.2021

Европската Унија нема да купува дополнителни 100 милиони дози од „Астра зенека“


Европската Комисија нема да купува 100 милиони дополнителни вакцини против Ковид-19 на „Астра Зенека“, како што претходно беше договорено.

Портпаролот на ЕК на прес-конференција рече дека рокот за спроведување на оваа опција е веќе истечен и ЕУ не планира да ја спроведе.

Комисијата нарача 300 милиони дози од вакцината на „Астра Зенека“ во рамките на договорот кој предвидува 400 милиони дози, од кои набавката на 100 милиони не е задолжителна.

Европската Унија сè уште не одлучила дали ќе преземе правни мерки против „Астра Зенека“ бидејќи не ги испорача договорените количини на вакцината против Ковид-19, изјави портпаролот на Европската комисија. Бриселскиот портал „Политико“ објави дека ЕК се подготвува да покрене тужба против „Астра Зенека“, повикувајќи се на пет неименувани дипломати на ЕУ.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk