logo
logo
logo

Две третини од Германците трошат помалку поради рекордната инфлација

Vecer | 24.11.2022

Две третини од Германците трошат помалку поради рекордната инфлација

„Речиси две третини од анкетираните трошат помалку пари поради инфлацијата, а дополнителни 20 отсто веруваат дека во иднина ќе мора да ги намалат трошоците “, објави претседателката на ВЗБВ, Рамона Поп.

Најголемо мнозинство, 61 отсто од нив, штедат при купување намирници, а 56 отсто штедат при купување облека и обувки. Поради растот на малопродажните цени, една третина од анкетираните помалку користат сопствен автомобил. Една третина од испитаниците изјавиле дека помалку летаат поради поскапувањето.

Инфлацијата во октомври изнесувала 10,4 отсто, а на рекордната инфлација најмногу влијаел растот на цените на енергенсите. Дневните цени на храната во просек поскапеле за 20,3 отсто. Во однос на октомври лани, најмногу поскапеле маслото за јадење (49,7 отсто), млечните производи и јајцата (28,9 отсто), лебот и житарките (19,8 отсто).

Најголем скок на цените во енергетскиот сектор е забележан природниот гас кој е за 109,8 отсто поскап од истиот период лани. Горивото за автомобили во просек е поскапо за 22,3 отсто. Во исто време, истражувањето на VZBV покажало дека потрошувачите се подготвени да ги променат своите навики за купување, доколку тоа ќе придонесе за забавување на климатските промени.

Се покажало и дека 75 отсто од испитаниците се подготвени подолго да ја носат постојната облека наместо да купуваат нова. 45 отсто од нив се изјасниле дека би се откажале од купување на нови електронски уреди доколку старите би можеле да се поправат.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk