logo
logo
logo

Два тајвански авиони се судрија и паднаа во море, се трага по пилотите

Vecer | 22.03.2021

Два тајвански авиони се судрија и паднаа во море, се трага по пилотите

Два тајвански борбени авиони се урнаа покрај брегот на таа држава. Ова е трет ваков инцидент во последните шест месеци, во време кога островската држава е под зголемен притисок од секојдневното спречување на кинеските авиони.

Националната команда за спасување на Тајван соопшти дека два авиони Ф-5Е со пилоти се урнале во морето крај североисточниот брег на островот откако наводно се судриле за време на тренинг лет.

Хеликоптери, крајбрежната стража и други бродови се вклучени во потрагата по пилотите.

Официјалната тајванска новинска агенција објави дека воздухопловните сили ги запреле сите летови на ескадрилата на авиони Ф-5 од базата Чиханг од каде полетале двата авиона.

Островската држава започна да го користи американскиот Ф-5 кон крајот на 1970-тите, а денес тие се главно пензионирани од активностите на фронтот, иако некои сè уште се користат за обука и поддршка на главната ескадрила, пишува „Ројтерс“.

Во октомври минатата година се урна авион Ф-5, при што загина пилотот, а еден месец подоцна се урна и посовремен Ф-16, кога повторно загина пилотот.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk