logo
logo
logo

Добиле шест пати поголема доза на „Фајзер“ од дозволеното, 77 затвореници во Америка под надзор

Vecer | 23.04.2021

Добиле шест пати поголема доза на „Фајзер“ од дозволеното, 77 затвореници во Америка под надзор


Во затворот во сојузната држава Ајова, 77 затвореници се под надзор поради несакани реакции откако ненамерно им е инјектирана шест пати поголема доза од нормалната од вакцината против коронавирус на компанијата „Фајзер“.

Две медицински сестри во затворот Форт Медисон во Ајова погрешно ја примениле вакцината, се вели во соопштението од затворот.

Инцидентот се случи во вторникот, што довело до прекинување на вакцинацијата во затворот.

Портпаролот на казнено-поправниот дом во Ајова, Корд Овертон, изјави дека повеќето затвореници кои примиле поголема доза на вакцина имале симптоми слични на оние поврзани со нормалните дози на вакцината, како што се болка во рацете и телото. Најмалку еден затвореник добил треска.

Затворските службеници побарале упатства од експертите од Центрите за контрола и превенција на болести, Фајзер и Универзитетот во Ајова, кои препорачуваат затворениците да се следат најмалку 48 часа.

Мајка на еден затвореник изјавила дека нејзиниот син и другите затвореници имале бројни несакани ефекти, како што се гадење и сериозна дехидрација.

Вакцината од компанијата „Фајзер/Бионтек“ се транспортира и чува во замрзната состојба и е спакувана во концентрирана форма, па се разредува со физиолошки раствор пред да се даде на пациентите, велат надлежните.

Државните службеници не дадоа конкретно објаснување за начинот на предозирање на затворениците, но можно е вакцините да биле дадени без разредување, пишуваат тамошните медиуми.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk