Водечкиот американски имунолог и медицински советник во Белата куќа, Ентони Фаучи, објави дека наскоро ќе се променат насоките за носење маски во затворен простор.

Тој најавил дека Американскиот центар за контрола и превенција на болести (ЦДЦ) ќе ги ажурира своите насоки затоа што сè повеќе Американци се вакцинираат.

ЦДЦ ги олесни упатствата за носење маски на отворено минатиот месец, но продолжува да ги советува и оние кои биле вакцинирани и оние кои сè уште не се да носат маски во затворени простории во јавни објекти како што се трговски центри, кина или музеи.