Украинскиот претседател Володимир Зеленски рече дека неговото барање не се однесува на Русите на кои им е потребна помош.
Тие „ја ризикуваат својата слобода или нивните животи спротивставувајќи се на политиката на рускиот претседател Владимир Путин“, но дека доаѓањето на „убијците“ мора да се спречи, рече Зеленски.
„Мора да има гаранции дека руските убијци или соучесниците на терористичката држава не користат шенген визи“, објасни Зеленски во ноќното обраќање, пренесе Ројтерс.
Тој додаде дека суштинската идеја за Европа - заедничките европски вредности - не смее да биде уништена.
„Затоа Европа не смее да стане супермаркет во кој не е важно кој влегува и каде е најважно луѓето само да плаќаат за стоката“, додаде Зеленски.
Зеленски прво повика на укинување на визите за руските граѓани во интервју за Вашингтон пост претходно оваа недела.
