logo
logo
logo

Чешката полиција бара обвинение за премиерот Бабиш поради наводна злоупотреба на ЕУ фондови

Vecer | 31.05.2021

Чешката полиција бара обвинение за премиерот Бабиш поради наводна злоупотреба на ЕУ фондови


Државното обвинителство на Чешка објави дека од полицијата добило предлог за покренување на обвинение против премиерот Андреј Бабиш, поради наводна злоупотреба на европски субвенции.

Полицијата го сомничи Бабиш за привремено одвојување на фарма во близина на Прага од големиот земјоделско-прехранбен холдинг „Агроферт“ во 2007 година, со цел да добие европски средства за мали бизниси.

Бабиќ (66), кој има словачко потекло и е петти најбогат Чех според „Форбс“, негира дека сторил нешто незаконско.

„Документацијата за случајот денес му е предадена на главниот државен обвинител задолжен за надзор, заедно со обвиненителниот предлог на полицијата“, се вели во соопштението на државното обвинителство во Прага.

„Главниот државен обвинител сега ќе ги проучи документите и ќе одлучи дали ќе покрене обвинение, ќе се откаже од гонењето или ќе постапи на друг начин“, се додава во него.

 

Бабиш, поранешен комунист, кој бил соработник на тајната полиција во Чехословачка во 80-тите години на минатиот век, претходно беше цел на Европската комисија поради судир на интереси.

Бабиќ ја предводи владата на малцинската коалиција во која учествуваат неговото популистичко движење АНО и социјалдемократите.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk