logo
logo
logo

Чешката амбасада во Москва отпуштa 79 вработени Руси

Vecer | 26.05.2021

Чешката амбасада во Москва отпуштa 79 вработени Руси


Чешката амбасада во Москва ќе отпушти 79 руски државјани до крајот на мај, изјави портпаролката на чешкото Министерство за надворешни работи, Ева Давидова.

„До 21 мај, 71 вработен во чешката амбасада во Москва беа известени за престанок на работниот однос“, рече таа, пренесе ТАСС.

„Се очекува на крајот на мај да бидат отпуштени уште осум вработени. Затоа, вкупниот број е 79“, додаде Давидова.

Меѓу нив има и вработени во Чешкиот дом во Москва, кој служи како културен центар на земјата во рускиот главен град.

Хотелот и ресторанот на чешката кујна ќе бидат затворени поради недостаток на персонал.

Претходно, Русија и Чешка се согласија да го усогласат бројот на нивниот персонал во дипломатските мисии во главните градови на двете земји.

Секоја амбасада ќе има седум дипломати и 25 административни и технички службеници.

На 17 април премиерот на Чешка, Андреј Бабиш, објави дека Прага се сомнева дека руските разузнавачки служби се одговорни за експлозијата во складиштето за муниција во селото Врбјетице во 2014 година.

Истиот ден, Чешка протера 18 руски дипломати.

Следниот ден, Русија прогласи 20 лица вработени во Чешката амбасада за персона нон грата.

После тоа, Министерството за надворешни работи на Чешка одлучи да го изедначи бројот на вработени во Руската амбасада во Прага до крајот на мај со бројот на вработени во Чешката амбасада во Русија, што значи дека околу 70 вработени во Руската амбасада треба да ја напуштат Прага.

Во знак на солидарност со Прага, руските дипломати ги протераа и Словачка, Литванија, Летонија и Естонија.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk