Телевизијата соопшти дека сопругата на премиерот, Кери Џонсон, наводно помогнала да се организира забавата на 19 јуни во попладневните часови.
До 30 луѓе присуствувале на прославата во Даунинг стрит, соопшти „ITV“.
Извештајот придонесува за притисок врз Џонсон поради серија собири во Даунинг стрит кои ги прекршија правилата за карантин наметнати од владата на Џонсон.
Високата функционерка Сју Греј ги истражува забавите и се очекува да објави извештај подоцна оваа недела.
Како одговор на наводите за роденденска забава, канцеларијата на Џонсон во изјава за „ITV“ вели: „Некои од вработените кои работат на Даунинг стрит тој ден по состанокот накратко се собраа во просториите на владата за да му посакаат среќен роденден на премиерот. Тој беше таму помалку од 10 минути", пренесе „Index.hr“.