Втор ден по ред група луѓе протестираат пред гимназијата Бетли во Западен Јоркшир, бидејќи на еден час била прикажана карикатура на пророкот Мухамед.

Собраните протестираат против како што велат, несоодветната слика и бараат разрешување на професорот кој ја покажа карикатурата на својот час, пренесува Би-би-си.

Еден од демонстрантите вели дека училиштето не го сфатило сериозно ова прашање, бидејќи биле потребни дури четири дена да се суспендира само еден од вклучените наставници.

Друг демонстрант, кој се претставил како Хусеин, вели дека не сака децата да се учат на каква било форма на екстремизам.

Поради ваквиот развој на настаните, училиштето се префрли на онлајн настава, а управата испрати извинување, во кое се наведува дека наставникот кој ја покажал карикатурата е суспендиран.

makfax.com.mk