Претседателот на ГЕРБ, Бојко Борисов се состана со комесарот за проширување и добрососедство на ЕУ, Оливер Вархеји, во седиштето на партијата. Главниот фокус на разговорот, кој се одржа на иницијатива на еврокомесарот, беше Договорот за пријателство, добрососедство и соработка меѓу Бугарија и Република Северна Македонија, соопшти партијата.
Бојко Борисов ја истакна клучната улога на Бугарија во враќањето на темата за европска интеграција на Западен Балкан во агендата на Унијата. Лидерот на ГЕРБ повтори дека европската иднина на овој стратешки регион е гаранција за мир и просперитет, како и за спречување против влијанието на другите сили. Тој истакна дека Европа мора да продолжи да работи активно на темата европска интеграција за Република Северна Македонија и Албанија, имајќи ги предвид позициите на секоја земја.
Двајцата разговараа и за проширување на транспортната и дигиталната инфраструктура на земјите во регионот.
„Убеден сум дека оваа инфраструктура е еден од факторите за одржлив развој на сите земји. Затоа, за време на бугарското претседателство со ЕУ, како и во рамките на Берлинскиот процес, ние се фокусиравме на поврзаноста. Создавањето услови за економски просперитет придонесува и за развој и добрососедските односи. Важно е да не се запре работата на специфични инвестициски проекти за регионална инфраструктура од областа на енергетиката, транспортот и слично, бидејќи тие го подобруваат животот на граѓаните “, рече Борисов.
makfax.com.mk
