Најмалку осум експлозии се слушнале по полноќ во близина на воениот аеродром Зиабровка.
Коментирајќи го инцидентот, белоруското Министерство за одбрана соопшти дека моторот на возило се запалил откако било заменето и дека нема жртви.
Инцидентот доаѓа по силните експлозии што ја потресоа руската воздушна база Саки на Крим претходно оваа недела, за која Москва рече дека била експлозија во складиште за муниција.
Да потсетиме дека вчера вечерта, според извештаите, се слушнале експлозии во близина на границата на Украина и Белорусија, од белоруска страна.
Франак Виачорка, висок советник на опозицискиот лидер Светлана Цимановскаја, рече дека слушнал „најмалку осум експлозии“ околу 1 часот по полноќ во регионот Хомел во близина на границата со Украина.
„Според сведоците, експлозиите се случиле во близина на аеродромот Зиабровка. Руски воени авиони често се стационирани таму“, објави тој во твит.
Аеродромот Зиабровка го користеа руските вооружени сили во војната против Украина.