Претседателот на Сирија, Башар ал-Асад, го освои четвртиот мандат со 95,1 процент од гласовите на изборите што ќе го продолжат неговото владеење со земјата разорена од војна, но за која противниците и Западот велат дека е обележана со измама.
Владата на Асад соопшти дека изборите покажуваат дека Сирија функционира нормално и покрај деценискиот конфликт, во кој беа убиени стотици илјади луѓе и приближно половина од населението, или 11 милиони луѓе, протерани од своите домови.
Претседателот на парламентот Хамуда Сабаг го објави резултатот на прес-конференција во четвртокот, велејќи дека од одѕивот на гласачите бил околу 78 проценти.
Изборите продолжија и покрај мировниот процес предводен од Обединетите нации, кои бараа да се гласа под меѓународен надзор.
Победата му донесе на Асад нови седум години на власт и го продолжува владеењето на неговото семејство на речиси шест децении. Неговиот татко Хафез ал-Асад ја водеше Сирија 30 години се до неговата смрт во 2000 година.
Годините на Асад како претседател беа обележани со повеќестран конфликт, кој започна во 2011 година и ја разурна оваа земја на Блискиот Исток.
„Благодарам на сите Сиријци за нивното високо национално чувство и големо учество … за иднината на сириските деца и нејзината младост. Да почнеме да работиме од утре на градење надеж и градење на Сирија”, напиша Асад на својата фејсбук-страница.
makfax.com.mk
