Граѓаните на Русија би ја одобриле и одлуката на претседателот Владимир Путин да ја прекине војната во Украина, но во исто време и нов напад врз Киев, покажуваат резултатите од истражувањето на јавното мислење спроведено од руската независна агенција „ Russian Field“.
Повеќе од половина од Русите веруваат дека инвазијата во Украина се одолговлекува, а третина веруваат дека борбите ќе траат подолго од една година, според неодамнешното истражување, пренесува Комерсант.
Во исто време, 60 отсто од испитаниците би ја поддржале одлуката на Путин да изврши „нов напад врз Киев“, но истовремено 65 отсто би ја одобриле намерата на претседателот да ја прекине инвазијата и да потпише мировен договор.
Комерсант го цитира политикологот Алексеј Макаркин, кој наведува дека фактот што мнозинството Руси се подготвени да одобрат две спротивни одлуки на Путин „за прекин на специјалната операција и започнување нова офанзива“ може да се смета за израз на доверба во претседателот.
Експертот смета дека ваквата противречност е поврзана со неподготвеноста на општеството да размислува за големи политички проблеми.
Дополнително, во општеството е вкоренет ставот дека „надлежните подобро знаат, ние сме мали луѓе“, а „малиот човек“ не е многу упатен во актуелната политика и не сака да го прави тоа, продолжува експертот.
View this post on Instagram
Тој потсетува дека кога во доцните осумдесетти и почетокот на деведесеттите, покрај личните и домашните грижи, луѓето се соочуваа и со проблемот на одговорност за нивниот избор, тоа предизвика психолошки непријатности кај значителен дел од населението.
„Тогаш имаше такво барање: нека ни кажат властите на телевизија како правилно да се однесуваме. Но, владата не зборуваше. Тогаш овој дел од општеството беше задоволен што се појави Путин и ја презеде одговорноста. Така, сега народот едноставно му верува на претседателот, кој „дозволи да не размислуваат за актуелната политика““, заклучува политикологот.
Авторите на анкетата наведуваат дека од средината на март до крајот на јули соодносот на поддржувачи и противници на војната во Украина практично останал ист: сега 69 отсто ја поддржуваат, 23 отсто.
Телефонското истражување беше спроведено од 28 до 31 јули меѓу 1.609 испитаници користејќи телефонска анкета користејќи случаен примерок од телефонски броеви во различни федерални окрузи на Руската Федерација.