Германскиот министер за здравство Јенс Спан апелираше до 16 сојузни германски држави што побрзо да воведат построги ограничувачки мерки со цел да се забави ширењето на коронавирусот.
Во последниот пресек на ситуацијата, Германија пријави скоро 30.000 нови случаи.
Спан рече дека не треба да чека да биде усвоен националниот закон за мерки, пренесува Ројтерс.
„Од минатата есен знаеме што се случува кога не реагираме брзо“, изјави Спан пред новинарите, додавајќи дека лекарите очекуваат дека до крајот на месецот ќе има 6.000 пациенти на одделите за интензивна нега.
Да потсетиме, германската канцеларка Ангела Меркел во неколку наврати се обиде да ги убеди „непослушните“ водачи на покраините и да воведе уште построги мерки, иако оние што се на сила во Германија се меѓу најстрогите што воопшто се применуваат.
Сепак, тоа не успеа во тоа, па беше критикувана и јавно и тајно. На крајот, таа мораше пред пратениците, но и пред јавноста, во ТВ-пренос, да се извини за тоа инсистирање, како и дека предлогот е исклучиво нејзин.
Меѓутоа, кога ќе се сведе на пресметка, канцеларката сепак беше во право.
Germany reported 29,426 COVID-19 cases and 293 deaths yesterday. Incidence rate now 160.1.
Health Minister Jens Spahn:
- medics expect 6,000 COVID-19 patients on ICU wards by end of the month
- urges states to implement tighter "emergency brake" before it's passed by parliament pic.twitter.com/ne4mZ8m2UL
— Kate Brady (@kbrady90) April 15, 2021
