logo
logo
logo

Албански државјани со чартер летови стигнаа во Србија да се вакцинираат

Vecer | 28.03.2021

Албански државјани со чартер летови стигнаа во Србија да се вакцинираат

Aлбанската авиокомпанија „Албавингс“ организираше два чартер лета од Тирана до Белград со патници кои се пријавиле за вакцинација против коронавирус во Србија. Оваа можност ја искористија и вработените во авиокомпанијата, пишува „Блиц“.

Гостите од Албанија вчера ги пречека заменик-градоначалникот на Белград, Горан Весиќ.

За бесплатната вакцина против Ковид-19, која Србија им ја обезбеди на странците, постои голем интерес.

Условите се исти како и за државјаните на Србија, а покрај личната карта и пасошот, на странските државјани не им е потребна дополнителна документација.

Вчера пред белградскиот саем имаше колони луѓе кои чекаа ред за да примат вакцина во Србија. Стари, млади, дојдени од Македонија, Босна и Херцеговина, Албанија, Црна Гора, а и граѓани од Србија чекаа во редот долг стотици метри, пред двете хали од саемот.

Вакцинацијата продолжува и денеска.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk