Германската полиција соопшти дека се приведени 13 новинари додека известувале за еколошки демонстрации против изградба на пат во Берлин.
Новинарите ја покривале блокадата на градилиштето на автопатот А100, која е организирана од активисти на групата „Песок во запчаници“ (Sand im getriebe).
Полицијата соопшти дека новинарите влегле на градилиштето заедно со активистите и ги третирале како демонстранти.
Тие се под истрага за неовластено влегување на градилиштето.
Здружението на новинари ДЈУ ја обвини полицијата дека спречувала новинари да си ја вршат својата работа.
На протестот имало околу 300 учесници.
Полицијата однесе неколку учесници во протестот, додека другите дозволиле да заминат по фотографската идентификација.
Еколошките групи велат дека изградбата на нови патишта во Берлин и другите делови на Германија ги поткопува нејзините напори за намалување на емисиите на стакленички гасови.
Активистите тврдат дека милијарди евра потрошени на патишта може да се искористат за инвестирање во транспортна инфраструктура како што се железници, што не ја уништува климата.