Тотенхем изгуби од Манчестер Сити со 3:0, а можеше да поведе на почетокот на мечот ако Хари Кејн од слободен удар го погодеше местото каде се спојуваат пречката и стативата. Само пет минути подоцна Хојберг направи пенал со фаул врз Гундоган, а Сити поведе и го отвори патот кон победата.
Жозе Мурињо на прес-конференцијата ги бранеше своите момци и го појасни терминот „модерен пенал“.
„Имавме контрола на играта, ја погодивме пречката. Да поведевме тоа ќе ни дадеше гориво кое на играчите им е потребно кога се уморни. А потоа еден од оние ’модерни пенали’ нѐ стави во тешка позиција “, изјави Мурињо.
„Тоа е пенал кој се досудува дури и ако го пипнеш противникот со ноктот. Против некои тимови таков контакт со врвот на ноктот е пенал и ВАР не може да покаже дали имало контакт со ноктот, прстот или носот“, вели Португалецот.
За Пеп Гвардиола, тренерот на Сити, пеналот е чист.
„Пеналот е чист како солза, а потоа дадовме втор гол од првиот напад во второто полувреме. Тоа ни ја олесни работата“, рече Шпанецот.
sportmedia.mk
