Сино-жолтиот дрес со број 77 доби свој сопственик. Сениорската репрезентативка Нена Трајчевска ќе биде големо засилување за ЖКК Бадел 1862 во борбата за титула во Првенството и Националниот куп.
Таа кажа дека се чувствува мотивирано да го однесе својот ново-стар тим до двојна круна.
⁃ Се чуствувам одлично и мотивирано. Целта е јасна, шампионска титула и освојување на националниот куп доколку се одржи. Но, улогата сега ми е многу поразлична од минатите години кога настапував за Бадел. Во целиот овој процес сега, би сакала со моето искуство кое го стекнав овие години да го пренесам колку знам и умеам и да им помогнам на младите кошаркарки од овој клуб. Сѐ со цел, да ги охрабрам и да докажам дека без разлика од каде сме, тие можат да успеат и да постигнат нешто што до сега ниедна кошаркарка од нашата држава не успеала-рече Трајчевска на промоцијата.
sportmedia.mk