Струга Трим Лум далеку потешко од очекувањата успеа со 1:0, и тоа со голот на Марјан Алтипармаковски да го победи Вардар само со 1:0. И со тоа да го прати и официјално нашиот најтрофеен клуб и дефинитивно во Втора лига.
Сега во пресрет на последното коло, Струга ТЛ игра во Кратово кај Силекс, се е во рацете на момците на стратегот Срѓан Захариевски во битката за Европа.
„Тешко беше да се победи Вардар. Признавам дека не бевме на своето ниво, но мора да се разбере дека бевме под голем психолошки притисок. Кога нешто се мора по скеоја цена, тогаш е најтешко. Сепак на крајот се добро се заврши за нас, сега се зависи од нас. Знаеме што ни треба во Кратово за да го зачуваме тоа трето место и се избориме за историски излез во Европа“ изјави за СПОРТМЕДИА, стратегот на стружани Срѓан Захариевски.
sportmedia.mk