Српскиот тенисер Новак Ѓоковиќ нема да брка златен медал на Олимписките игри ни во сингл, ни во мешани парови затоа што и во двата случаи е елиминиран во полуфиналето. Прво Ноле изгуби од Александар Зверев во сингл иако водеше со 6:1 и 3:2, а потоа во тандем со Нина Стојановиќ изгубија од руската комбинација Елена Веснина/Аслан Карачев со 7:6(4) и 7:5.

Новак и Нина ќе играат за бронза против австралиските тенисери Ешли Барти и Џон Пирс.

Ужасно се чувствувам. Тоа е спортот. Зверев играше подобро, морам да му честитам на пресвртот. Многу добро сервираше. Тој го крена сервисот, а мојот драстично опадна – а кога поведов со 3:2 во вториот сет, не добивав лесни поени. Играта ми се распадна, мислам дека доби осум генови. Застанав, му дозволив да нападне… Во Токио не дојдов свеж, но бев мотивиран и со желба да донесам медал за својата земја. За жал не успеав“, изјави Новак.

Во сингл конкуренција Ѓоковиќ го очекува дуел за бронзен медал против Карено Буста од Шпанија.

 

sportmedia.mk