Дојдоа тешките денови кои Веселин Вујовиќ ги најави. Вардар 1961 за првпат сезонава е поразен на домашен терен, и тоа од Монпеље со 25-31 во едно неубедливо издание.
Вардар по некомплетното 4. коло падна на петото место на табелата, има пет бода исто колку и францускиот тим.
„Честитики за Монпеље за добрата игра, во ниту еден момент не бевме близу. Вардар не личеше на онаа екипа од првите три кола. Жал ми е за атмосферата во салата која беше одлична. Монпелје мора да се респектира, го победи Кил, и тоа е тим кој доаѓа од Франција, земја каде се игра врвен ракомет. Со причина се плашев за овој меч, голем дел од играчите потфрлија, мораме да се дигнеме и да се продолжиме, сезоната е долга“, изјави Веселин Вујовиќ.
