Со оглед на стартот на подготовките на репрезентацијата за мартовскиот квалификациски циклус за СП во Катар 2022 година, претстојниот викенд, во кој ќе се играат мечевите од 24.коло, дојде до мало поместување. Имено место во недела, натпреварите ќе се играат ден порано, во сабота. ТВ пренос ќе има од мечот Вардар – Шкендија, додека во недела ќе се игра само мечот меѓу Ренова – Македонија ЃП, кој исто така ќе оди низ ТВ пренос на Арена Спорт и МРТВ.
Да потсетиме дека во сабота уште играат Борец – Пелистер, Беласица – Работнички, А. Пандев – Струга Трим Лум и Силекс – Шкупи.
Ова значи дека второлигашите ќе играат ден подоцна, во недела.
Сепак на барање на Брегалница и Кадино, нивните мечеви со Слога (В) и Тетекс, ќе се играат во сабота, сите останати натпревари од 20.коло на Истокот и Западот, ќе се играат во недела.
sportmedia.mk
