Свен Мислинтат, човекот кој во Дортмунд донесе многу од сегашните „ѕвезди“ кои жарат и палат по европските клубови, се враќа во тимот на Борусија. Тој беше скаут во времето кога за „милионерите“ потпишаа играчи како Левандовски, Обамејанг, Кагава, Хумелс, Гиндоган, Дембеле… Со дел од нив Борусија играше во финалето во Лигата на шампионите 2013 година.
Мислинтат е во моментов скаут на Штутгарт, меѓутоа таму немаше многу шанса да се докаже, со оглед на ограничените ресурси (пари) во таборот на „Швабите“. Милсинтат од Дортмунд замина во Арсенал, но од таму замина поради несогласувања со управата, и не се задржа многу во Лондон.
Билд пренесува дека Мислинтат веќе почнал да го реновира домот во Дортмунд, кој го има по неговиот престој, и тоа значи дека се подготвува за враќање во тимот на „милионерите“.
sportmedia.mk