Во Барса се јасни: Нејмар сам си замина, нема да се врати во Каталонија

epa06124441 Brazilian striker Neymar Jr. poses for photographs after a press conference at the Parc des Princes stadium in Paris, France, 04 August 2017. Neymar Jr is presented as new player of Paris Saint-Germain (PSG) after completing a record-breaking 222-million-euro move from Spanish side FC Barcelona. EPA/CHRISTOPHE PETIT TESSON

Барселона немаат никакви планови да го вратат Нејмар од Пари Сен-Жермен, вели потпретседателот на клубот, Жорди Кардонер отфрлајќи ги шпекулациите дека шпанскиот шампион има план да го привлече Бразилецот назад на „Ноу Камп“.

Нејмар освои две титули од Ла лига и трофеј од Лигата на шампионите во четири сезони со каталонскиот клуб, каде што имаше опасно партнерство со Луис Суарез и Лионел Меси, но си замина во јули 2017, откако ПСЖ ја активираа неговата клаузула за раскин на договорот, вредна рекордни 222 милиони евра.

„Никој во бордот на Барса не зборувал за можноста да се врати Нејмар, и сега не можеме да дадеме таков одговор“, јасно одговори Кардонер.

26-годишниот Нејмар се најде на насловната страница на „Ел мундо депортиво“ со наводна порака до шефовите на Барса дека сака да се врати.

„Тој замина сам, ќе беше поинаку ние да не верувавме во него и сега да го сакавме назад, но тоа не е случајот. Да сакавме да потпишеме со него, досега тој ќе беше тема, но не е така“, додава Кардонер.

Фото: ЕПА

извор: Makfax

Поврзани

Најнови вести

Коментари