Фудбалската федерација на Англија и раководството на Лигата се во постојан контакт со Владата, со цел да се дозволат гледачи на Вембли, на двете финалиња во Куповите на таа земја. На финалето на ФА купот (15 мај) и финалето на Лига купот (15 април).
Тие се надеваат дека ако епидемиолошките услови се подобрат би можело на “Вембли“ да има и по 30.000 гледачи, тоа е некаде околу 1/3 од капацитетот, но сепак е добра бројка со оглед на пандемијата.
Нивните оптимистички најави се и поради тоа што во Англија досега примиле вакцини околу 15 милиони лица, што докажува дека се една од најдобрите светски програми за масовно вакцинирање.
Сепак конечната одлука за тоа дали ќе има или не гледачи на трибините на тие финалиња зависи од тоа колку заразени со Ковид-19 има во просек на 100.000 жители.
sportmedia.mk