Од Плоцк, Марија Ковачева

Металург, очекувано беше убедливо совладан од Висла Плоцк so 38-19 во првиот од двата дуели во рамките на Европската лига. Тимот од Автокоманда и покрај бројните проблеми со повреди и со коронавирус одлучи да допатува во Полска и да ги одигра двете средби. Во составот го нема најдобриот ракометар, Златко Хорват, Марко Тарабокиа, Мице Шилегов, Милан Лазаревски и Тео Тодевски.

По мечот во Висла не штедеа зборови, испратија комплименти за храброста и борбеноста на теренот.

„Сакам да искажам респект. Покрај се, дојдовте со млад тим овде, се боревте до крај. Тоа е најважно, ви честитам“, изјави францускиот пивот Жереми Тото во своето обраќање на прес конференцијата.

Втората средба меѓу Металург и Висла се игра утре со почеток во 18:45 часот, во составот ќе нема Велко Маркоски, кој се повреди, додека пак се очекува дебито на Василие Калуѓеровиќ.

sportmedia.mk