Денеска ги стискаме палците уште еднаш за нашиот Дејан, според програмата од 14.45 часот (според македонско време, а 21.45 часот локално во Токио), Македонецот ќе ги одмери силите против претставникот на Рускиот Олимписки комитет, Владислав Ларин.
Финалната борба на нашиот Дејан Георгиевски можете да ја следите тука.
По 21 година чекање нашата земја повторно се закити со олимписки медал од Летните олимписки игри, првиот го освои Могамед Ибрагимов во борење на Игрите во Сиднеј 2000.
Уште пред самиот старт на турнирот Георгиевски најави дека атакува на медал, еве тоа сега стана реалност, се наоѓа на чекор од освојување на олимпиското злато, што би било секако прво во историјата на Македонија.
Георгиевски во првото осминафинално коло го елиминираше светскиот шампион Рафаел Алба од Куба со 11:8, потоа во четвртфиналето со 9:4 беше подобар од Сејду Гбане од Брегот на Слоновата коска, а во полуфиналето триумфирше над Дон Кјо Ин од Кореја (12:6).
Ларин на стартот со 24:3 славеше над Пита Тауфатофуа од Тонга, потоа беше убедлив и против Словенецот Иван Конрад Трајковиќ (16:3), а во полуфиналната борба го имаше и најдобриот резултат од дури 30:3 против Кинезот Хонѓи Сун.