Екипата на Вест Хем стигна до 15-тата победа сезонава и се искачи на четвртото место на табелата во Премиер лигата. „Чеканите“ вечерва ги однесоа трите бода од „Молину“ против Вулверхемптон затоа што славеа со 2:3. Инаку од 6-тата до 38. минута Вест Хем поведе со 0:3 со головите на Лингард, Форналс и Боувен.
За Лингар тоа е шестиот гол во осмиот меч за Вест Хем.
Пред крајот на првото полувреме Дендонкер намали, а во 68. минута Силва донесе 2:3, потоа домашните имаа доста време да спасат и бод меѓутоа не успеаа. Вулверхемптон го впиша 13-тиот пораз и е на позиција 14 на табелата.
sportmedia.mk