Фудбалерите на Сараево го победија Борац од Бања Лука на пенали и го освоија Купот на БиХ. По 120 минути игра мечот заврши без голови, па победникот мораше да се реши од белата точка.
Веќе во првите две серии, фудбалерите на Бања Лука не го реализираа својот пенал и веќе беше 2-0 за Сараево.
Решавачкиот пенал за Сараево го постигна Ханџиќ за вкупен резултат од 4:1, а нашиот репрезентативец Крсте Велковски погоди во втората серија.
Ова е седми трофеј во Купот за тимот од Кошево, додека Борац остана без двојната круна, бидејќи викендов станаа шампиони на БиХ, првпат по десет години.
sportmedia.mk
